Ayoko nang sumulat
Para pa kanino't para saan?
Batid kong tanging oras lamang
Ang hihilom nitong sugat
Ayoko nang sumulat, ayoko na
Gayong wala na ring pag-aalayan
Tigib ng hinagpis at pagtitika
Binasa ng luha itong pagsusulatan
Ni ayaw nang magdaluyong ng aking hiraya
Patay na ilog na hindi umaagos
Ayaw na ring lumuha ng aking pluma
Sadyang nagsawa at kusang naubos
Hahayaan kong maglaho sa dagat ng panganorin
Kung saan man maparoon
Salantain man ng sigwa't anurin
Pagdaka'y lunurin ng rumaragasang alon
No comments:
Post a Comment