May labindalawang pantig bawat taludtod
Ako'y hamak, binusalang manunulat
Palibhasa'y ang baya'y ayaw mamulat
Pinigil daluyong ng aking hiraya
Nang di na makahikayat ng sino pa
Iniwalay sa aking plumang nilagot
Aking sining at panitika'y nilumot
Pilit nilang binura ating kultura
At sa kanila tayo'y nangayupapa
Ayaw nilang mamulat ang ating bayan
Baka matutong maghimagsik, lumaban
Tungkulin ng manunulat isiwalat
Ang kaapihan ngunit di maisulat
Kalagan ang tanikalang bumabalot!
Natuyo man ang pluma, dugo ang sagot
Isulat at ilarawan ang paghangos
At alimpuyos ng lahing binusabos.
No comments:
Post a Comment